--Ads--
BAGUIO CITY – Nakemmeg ti uppat nga indibidual ditoy rehiyon Cordillera gapu iti kaso a panagrames kalpasan a naiserbi ti bukod a warrant of arrest dagitoy idi kalman.
Immuna a naiserbi ti warrant of arrest ti nakemmeg a ni Ryan Banite sadiay Baguio Gold, Tuding, Itogon, Benguet idi agsapa kalman.
Simmaruno a nakemmeg ni Jonathan Buslotan Jr. alyas Pal-og sadiay Lagan, Sabangan, Mountain Province ken ni Francisco Respicio sadiay Sta. Maria, Alfonso Lista, Ifugao.
Nakemmeg metlaeng ni Vilmor Banglay sadiay Km. 5, Balili, La Trinidad, Benguet idi rabii.
Sigun iti Cordillera PNP, agpapada nga awan ti nairekomendar a piyansa dagiti nasao nga indibidual.
