BAGUIO CITY – Naiserbi ti uppat a warrant of arrest kontra kadagiti sumagmamano nga indibidual a konektado iti kaso a panagrames iti nagduduma lugar ditoy rehion itay laeng nabiit.
Naiserbi ti umuna a warrant of arrest kontra iti maysa nga indibidual sadiay Magsilay, Pasil, Kalinga babaen iti nagtipon a pwersa ti Pasil MPS ken Regional Mobile Force Battalion 15.
Kabayatanna, nakemmeg ti dua a suspek ti panagrames iti nagsina nga operasyon dagiti nagduduma nga operatiba ditoy Baguio City ken sadiay Kesbeng, La Trinidad, Benguet bayat ti maikapat nga arrest warrant ket naiserbi sadiay Leboong, Tikey, Bokod, Benguet.
Awan iti nairekomendar a pyansa iti kaso dagiti suspek maipaspasidong dagitoyen iti umno a dokumentasion sakbay a maipaimada iti korte.
