Dumanon iti 4,266 a beneficiaries ti agnumar iti Food for Work Program ti Department of Social Welfare and Development ti rehion Cordillera.
Sigun kenni Novelia Pocding, Officer-in-Charge-Division Chief ti Disaster Response Management Division (DRMRD) Department of Social Welfare and Development Field Office- Cordillera, dagiti pamilya ket nagtaud manipod uppat a probinsya kas ti Abra, Baguio-Benguet, Kalinga ken Mt. Province.
Maibasar iti datos, ti probinsya ti Abra ti kaaduan a beneficiaries nu sadinno, dumanon iti 3,174 dagiti pamilia ti agnumar, simmaruno ti Baguio-Benguet a dumanon iti 491, Kalinga a 450 ken ti Mt. Province a dumanon iti 151.
Ti Food for Work (FFW) program ti nasao nga ahensia ket short term intervention a mangipapaay iti tulong ti taraon wenno kuarta kadagiti indibidual a kasukat ti pannakipasetda iti community work projects.
Ti community work project ket pakairamanan ti panagdalus kadagiti kalsada, panagdalus kadagiti waterways, panagrepair iti maysa a pasdek, ken dadduma pay a public works ken trainings.
Panggep ti nasao a programa a marisut ti food security.
Puntiria ti programa dagiti pamilya a naapektaran ti disaster, makapaspasar ti food insecurity, ken vulnerable /disadvantaged populations.//Bombo Noveh Organo
