Impakaamo iti Philippine Navy a dumanon iti uppat a pulo ket siam a Chinese vessels ti naimatangan iti West Philippine Sea manipod idi Marso a kinse agingga baente dos.
Sigun kenni Philippine Navy spokesperson for WPS Rear Admiral Roy Vincent Trinidad, kaaduan a nailista iti Bajo de Masinloc nga addaan iti 28 a barko, simmaruno iti Ayungin Shoal, Escoda Shoal, ken Pag-asa Island.
Nangatngato daytoy nu idilig iti tallo pulo a barko a nailista iti umuna a lawas iti Marso.
Agtultuloy ti tension iti South China Sea gapu iti panagtagikua iti China iti dandani palabuklan a lugar, karaman dagiti paset a kukua iti Pilipinas.
Idi tawen 2016, pinaboran iti Permanent Court of Arbitration ti Pilipinas ken kinunan nga awan ti ligal a basaran ti claims ti China, ngem saan a binigbig daytoy iti Beijing.
