Inyawat ni Benguet Cong. Eric Go Yap ti maysa a 4X4 vehicle kadagiti residente ken barangay officials ti Gumatdang, Itogon, Benguet.
Ti nasao a lugan ket maaramat para iti naan-anay a panangipaay ti serbisyo kadagiti umili iti nasao a barangay ken tapno mapatibker ti disaster response.
Immuna metten a naikkan ti bukodda a lugan dagiti barangay ti Taloy Norte ken Ansagan idiay Tuba ken Barangay Loacan sadiay Itogon.
Tarigagay ni Cong Yap a maipaayan amin dagiti 140 barangays ti Benguet tapno adda ti maaramat a bukod a lugan ti tungggal barangay nangruna nu panawen ti emerhensia.
Inkari pay ti kongresista nga in-inotenna nga maipaayan ti lugan dagiti amin a barangay ti Benguet nu sadino ti naaramat a pondo ditoy ket nagtaud mismo iti personal a kwarta na.
