In-detain dagiti kameng iti US Immigration and Customs Enforcement (ICE) ti maysa nga agtawen iti lima nga ubing idiay Minnesota kabayatan ti enforcement operation dagitoy mainaig iti immigration crackdown iti nasao a lugar.
Ti ubing ket nabigbig iti nagan a Liam Ramos ken maysa a pre-schooler iti Columbia Heights Public Schools.
Iti statement ti Department of Homeland Security (DHS), saanda a pinuntirya ti ubing nga i-detain nu di ket ti ama daytoy a nabigbig iti nagan nga Adrian Alexander Conejo Arias.
Ni Conejo Arias ket maatap a maysa kadagiti maibilbilang nga illegal alien iti nasao a lugar nu sadino,ti panangi-detain iti Department of Homeland Security (DHS)iti nasao nga ubing ket kinunada a para iti kinatalged daytoy.
Inlawlawag ti nasao nga ahensya a dagiti operasyon dagitoy ket targeted, maitunos iti paglintegan,ken nakapokus kadagiti indibidwal a patienda a mangipapaay ti pangta iti nasao a komunidad.
