--Ads--
BAGUIO CITY – Malamlamayan ita ti maysa a 5-anyos nga ubing a pimmusay kalpasan nga inatalan ti elf nga addaan iti plaka a UKN-943 sadiay Palansa, Bila, Bokod, Benguet idi kanikadua.
Nabigbig daytoy a ni Jesie William, anak ti driver ti elf a ni Marcelino Lacsay William, 33, mannalon ken residente iti nasao a lugar. Maibasar iti imbestigasyon ti pulisya, manarimaan ti panangiparada ti driver iti elf iti kalsada iti baba ti balayda ken saanna a nadlaw a timpwak ti anakna iti likod ti lugan.
Aksidente a naatalan ti biktima babaen iti kanawan a pilid ti nasao a lugan. Naitaray ti biktima iti Baguio General Hospital and Medical Center ngem naideklara daytoy a dead on arrival.
