--Ads--
Kidkiddawen ni Davao City 1st District Representative Pulong Duterte ti komprehensibo ken saan a “selective” nga imbestigasyon iti extrajudicial killings a napasamak iti administrayon ti ama daytoy a ni sigud a President Rodrigo Duterte.
Daytoy ket kagiddan ti pannakabukel ti Truth Commission, maysa a grupo nga ipasdek dagiti human rights advocate.
Idadaulwan daytoy ni sigud nga International Criminal Court (ICC) Judge Raul Pangalangan.
Sigun kenni Pulong Duterte, saan a mabalin a mapilpili laeng ti imbestigasyon ken masapul a komprehensibo ti imbestigasyon.
Innayon daytoy a masapul a nainget a maimbestigaran dagiti report maipapan iti extrajudicial killings ken kinunana a dagiti mabigbig a responsable ket rumbeng nga agsungbat.
