--Ads--
BAGUIO CITY – Pimmusay ti 5-anyos a babai kalpasan a maatap nga aksidente a napaltugan ti improvised shotgun wenno sumpak sadiay Cautit, Monggoc, Pidigan, Abra idi malem kalman.
Maibasar iti report, agay-ay-ayam ti biktima ken ti dua pay nga ubing idi imbarsakna ti ay-ayamenna nga ababa a tubo a maysa a sumpak.
Nupay kasta, pimtuk ti sumpak ken natamaan ti likod ti ubing a nangitunda iti dagus nga ipupusay daytoy.
Im-imbestigaran metten ti pulisya ti pakabigbigan ti agtagikwa iti nasao a sumpak.
