BAGUIO CITY- Naangay ti selebrasyon ti 5th Saleng Festival 2025 a naisayangkat idiay Malcolm Square iti siudad ti Baguio idi June 29, 2025.
Naipakita ditoy dagiti 15 Tree Cart Exhibit manipud iti naduma-duma a participants, pakairaman ti Bureau of Fire Protection- Baguio, Baguio City Police Office ken lima a non competing entries pakairamanan ti City Environment and Parks Management Office main office, City Environment and Parks Management Office- Burnham, Mayors office, Vice Mayors Office ken dadduma pay.
Iti nasao a Tree Cart Exhibit compitation, nagun-od ti maysa a nalatak a Grocery ti First place, nakaawat dagitoy iti P50k ken plaque; Second place ti cart ni Ms. Arlene Apelado a nakaawat met iti P40k nga addaan iti plaque ken ni Mr. Noel Buhong a nakaala iti 3rd place, nakaawat metlaeng daytoy iti P30k ken plaque.
Mabalin a mabuya dagiti Tree Cart agingga inton June 30, 2025. //mp4
