Umaw-awat ita iti kablaaw ken pammadayaw ti 72-anyos nga ama a ni Nicolas Sucgang, kalpasan a nagturpos daytoy iti Senior High iti laksid ti nasao nga edadna.
Maysa ni Nicolas kadagiti nagturpos iti class of 2024 babaen iti Academic track a Technical-Vocational-Livelihood track (TVL), Agri-fishery Arts Strand nga addaan iti espesialisasion ti Aquaculture iti Napti Integrated School iti Songcolan, Batan sadiay Aklan.
Sigun kenni Evan C. Regalado, School Principal-I iti nasao a pagadalan, nakitana ti determinasion ni Tatay Nicolas wenno ni “Nong Rudy” nga agturpos iti Senior High, isu’t gapuna nga inendorsona iti agdama nga adviser ti grade 12 iti pagadalan dagitoy, no sadino sigagaget ni Nicolas a timmabuno iti panagadalna.
Adu dagiti netizen ti nangiyebkas iti pammadayaw kenni Tatay Nicolas, no sadino maysa ditoy ni Teacher Carmen Selorio babaen iti social media a nacaptionan iti “Age is just a number, for education it doesn’t matter”.
