Posible a mapasaran ti mapattapatta nga 8 agingga 14 a Tropical Cyclones inton sumaruno a bulan agingga Setyembre ita a tawen.
Daytoy ket sigun iti Philippine Atmospheric, Geophysical and Astronomical Services Administration-Baguio.
Sigun kenni Engineer Hilario Esperanza, Assistant Weather Services Chief/Chief Meteorological Officer iti PAGASA-Baguio Synoptic Station, zero wenno maysa a Tropical Cyclone ti sumrek wenno mabukel inton sumaruno a bulan, maysa wenno dua iti bulan ti Mayo agingga Hunyo bayat a dua wenno tallo inton Hulyo agingga Setyembre.
Kinunana a maibasar iti rainfall outlook iti system dagitoy, posible a mapasaran inton Abril ti “near to below normal” iti dadduma a lugar ti Luzon ken Visayas bayat nga iti dadduma pay a lugar ket “way below normal” partikular iti Luzon bayat a sadiay Mindanao ket “generally near normal”.
Imbinglayna pay nga iti bulan ti Mayo ita a tawen ket “above to way above normal rainfall conditions” ti mapasaran iti kangrunaan a paset ti pagilian.
Kabayatanna, innayonna nga idi napalpalabas nga aldaw ket kellaat a napasaran ti Northeast Monsoon isu’t gapuna a saan pay a maideklara ti dry season.//Bombo Genzel Depayso
