Kinumpirmar ti Department of Migrant Workers (DMW) ti pannakawayaway ti gobierno ti Malaysia iti walo a Filipino seafarers.
Ti nasao a seafarers ket crew ti MT Krishna a dagitoy ket natiliw gapu iti panaglabsing iti immigration laws ken naibalud iti Kota Tinggi, Malaysia.
Sigun iti DMW, nangiruar ti desision ti Prosecutor’s Office ti Johor a wayawayaan dagiti natiliw a seafarers.
Nairuar ti desision kalpasan ti inaramid a panagbisita ti DMW idi Abril 18.
Agsagsagana itan ti DMW kadua ti Overseas Workers Welfare Administration idiay Kuala Lumpur iti repatriation dagiti Pinoy seafarers pasubli iti Pilipinas.
Nakasarita metkaeng ti DMW dagiti nagannak dagiti seafarers nu sadinno, impasiguradoda ti kinatalged dagitoy.
Maipalagip nga idi Abril11, dagiti walo a Pilipino a seafarers ken 12 nga Indian crew members ket naibalud iti Royal Malaysian Police iti Kkota Tinggi Police District Headquarters ti Johor.
Nakauneg dagitoy idiay Malaysia nga awanan ti pasaporte ken aniaman a ligal a dokumento.
