Palpalagipan ita ti Department of Migrant Workers (DMW) dagiti overseas Filipino workers (OFWs) ken dadduma a Pilipino nga agbbyahe paturong Australia a sumurotda kadagiti visa conditions ken siguraduenda nga umno dagiti visa category nga aramatenda.
Iti maysa a public advisory, inlawlawag ni Department of Migrant Workers (DMW) a naobserbaranda a sumagmamano kadagiti agbibyahe ket agap-apply para iti Australian visitors visa uray no adda met dagiti dadduma a purpose da.
“Using a visitor visa for employment, extended caregiving, or other work-related activities may violate visa conditions and could lead to serious immigration consequences, including visa cancellation, deportation, and possible restrictions on future travel,” sigun iti nasao nga ahensya.
Impakaammo ti DMW a adadda pay a paregtaenda ti public advisory dessimination dagitoy kadua ti Office of Migration Affairs of the Department of Foreign Affairs (DFA) ken Philippine Consulate General idiay Sydney.
“The DMW continues to enhance its public information and pre-departure orientation programs to promote safe, orderly, and regular migration,” innayon ti nasao nga ahensiya. //bombokaren.c.s
