--Ads--
Nakasangpeten iti pagilian dagiti 800 a Pilipino manipud sadiay Malaysia.
Naipaayan dagitoy iti tulong manipud iti Department of Social Welfare and Development (DSWD) sadiay Zamboanga City.
Simmangpet dagitoy sadiay Zamboanga Port idi Biernes ti rabii manipud kadagiti tallo a detention center sadiay Sandakan, Papar ken Tawau, Malaysia.
Karaman kadagiti deportee ti 589 a lallaki, 89 a babbae ken 122 a menor de edad.
Impaayan ti DSWD ken dadduma pay a maseknan nga ahensiya dagiti deportee iti taraon, ken tulong bayat a maipaspasidong dagitoy iti assessment tapno mabigbig dagiti dadduma a kasapulanda sakbay a maiturong dagitoy kadagiti bukodda a pamilya.//
