Kinumpirmar ti Department of Foreign Affairs (DFA) a natalged a dimmalyasat iti Strait of Hormuz dagiti 81 a Pinoy seafarers.
Sigun iti ahensiya, naglugan iti uppat a barko dagiti 81 a Filipino seafarers a pakairamanan ti MV Western Doncaster, MV Vivian Trader, MV Lyng Trader, ken MV Eva Fuji.
Natalged ti panagdalyasatda iti nadakamat a lugar iti nagbaetan ti Hunio 24 ken Hulio 1,2026.
Ti nasao a statement ket kasaruno ti baro a tension iti nagbaetan ti US ken Iran.
Kabayatanna, pinagyamanan ti DFA ti akem ti United Nations ken ti International Maritime Organization (IMO) iti panangsuporta iti civilian shipping ken panangipalubos iti pannakaibakwit dagiti marino a naapektaran iti nasao a tension.
Babaen iti nadakamat a panagtitinnulong ti UN ken ti IMO, balligi a naibakwitda ti agarup 136 a barko ken agarup 2,900 a marino.
