BAGUIO CITY – Naiwaragawagen dagiti siyam a pagadalan ti elementarya ditoy siudad ti Baguio a makipaset iti Street Dance Competition para iti Panagbenga 2017 inton Pebrero 25.
Sakbay a nakompleto ti listaan dagiti pagadalan ket naisayangkat idi kalman ti performance dagiti innem pay a pagadalan a saan a nakapabuya idi Pebrero 1 gapu iti panagbayakabak ti tudo.
Nagbalin met a kangrunaan a sangaili ni Mayor Mauricio Domogan iti nasao a performance dagiti ubbing ken daytoy ti nangiwaragawag iti listaan dagiti nakastrek iti nasao a kompetisyon.
Nakastrek ti Aguinaldo Elementary School, Baguio Central School, Camp 6 Elementary School, Dominican-Mirador Elementary School, Doña Aurora Elementary School, Jose P. Laurel Elementary School, Josefa Cariño Elementary School, Mabini Elementary School ken Pinget Elementary School.
