BAGUIO CITY – Maangay inton malem ti boxing competition a naawagan a “Battle at Macolm Square: Laban Para sa Pagbabago.”
Gapu iti daytoy, alallukuyen ti Baguio City Police Office ti publiko nga agbuya dagitoy iti nasao nga aktibidad a pasetan dagiti napili a drug surrenderers ken adda met laeng ti naisina a laban dagiti sumagmamano a pulis a naipasidong iti panagsanay.
Naamuan a ti nasao a laban ket maaddaan iti sangapulo ket innem a matches ken tunggal pares ket maaddaan iti maximum a tallo a rounds.
Mangnamnama met ti BCPO a kalpasan ti nasao nga aktibidad ket adda dagiti mangituloy iti nangatngato a lebel iti lubong ti boxing.
Agserbi met a kangrunaan a sangaili da Mayor Mauricio Domogan ken ONE Lightweight World Champion Eduard Folayang.
