BAGUIO CITY – Im-imbestigaran ita ti Baguio City Police Office – Station 9 no asino ti nagannak ti maladaga a naibati ken nasarakan iti sangwanan ti maysa a balay sadiay Purok 14, Cypress, Irisan, Baguio City idi kalman.
Iti ekslusibo a panakiuman ti Bombo Radyo kenni PCI Emannuel Nead, station commander ti nasao a kuerpo ti pulisya, ti maladaga ket maysa a lalaki, 3-day old ken nabirukan a nabalkot iti polo shirt ken naka-diaper.
Kinunana a kalpasan a nakita ti agtagikua iti nasao a balay ti maladaga iti sangwanan ti balay dagitoy ket dagusna nga intawag iti purok leader sadiay nga isu met ti nangitaray iti maladaga iti pagagasan.
Iti agdama, addan iti nasayaat a kasasaad ti maladaga ken adda iti kustudiya ti DSWD.
Kinuna ni PCI Nead nga iti kanito a maamuanda no sino ti nagannak ti maladaga ket posible a maipilaan daytoy iti kaso.
Nupay kasta, umap-apela daytoy iti nagannak ti nasao a maladaga tapnu agturong laeng iti opisina ti BCPO – Station 8 ken dagitoy a mismo ti mangkadua kenkuana sadiay DSWD.
——————- Filipino translation ————
BAGUIO CITY – Iniimbestigahan ngayon ng Baguio City Police Office – Station 9 ang pagkakakilanlan ng mga magulang ng isang sanggol na iniwan sa harap ng isang bahay sa Purok 14, Cypress, Irisan, Baguio City kahapon.
Sa panayam ng Bombo Radyo kay PCI Emannuel Nead, hepe ng nasabing himpilan ng puliysa, sinabi niya na ang nasabing sanggol ay isang lalaki, 3-day old at iniwan na nakabalot sa isang polo shirt at nakasuot din ng diaper.
Sinabi niya na pagkatapos makita ng may-ari ng nasabing bahay ang sanggol ay tinawagan niya agad ang kanilang purok leader na siyang nagdala sa baby sa pagamutan.
Sa ngayon ay nasa mabuti nang kalagayan ang sanggol at nasa kustodiya din ito ng Department of Social Welfare and Development (DSWD).
Umapela naman si PCI Nead sa mga magulang ng baby na magtungo lamang sila sa kanilang himpilan at sasamahan nila ang mga ito sa DSWD.
