BAGUIO CITY – Agpapaimbag paylaeng iti pagagasan ti dua kadagiti innem a turista a nadangran kalpasan a natnag ti naglugananda a kotse iti deppaar ti Mt. Pulag – Ambangeg Trail sadiay Keweng, Ambangeg, Bokod, Benguet idi kanikadua.
Nabigbig dagiti biktima a da Maria Felisa Anne Cruz, 28-anyos; Dale Kleyton Matutina, 28-anyos; Carl Jason E. Lumanog, 28-anyos; Arnel Luciano, 24-anyos; Hanz Justine Argamosa, 28-anyos ken ni Alexis Fante, 40-anyos a bin-ig a tubo ken residente ti Cainta, Rizal.
Iti ekslusibo a panakiuman ti Bombo Radyo kenni PSI Vicente Tamid-ay, hepe ti Bokod PNP, kinunana nga adda latta iti ospital da Fante ken Matutina gapu iti nasagrap dagitoy nga adu a dunor bayat a dagiti dadduma a kakaduada ket nagsagrap iti babassit laeng a gasgas.
Kinunana a nagtaud dagiti turista sadiay Mt. Pulag ken nakalugan dagitoy iti kotse nga addaan plaka nga APA 7540 nga inmaneho ni Lionell Hontalba Libarios, 27-anyos, software developer ken residente ti Cainta, Rizal.
Dinakamatna a bayat ti panagdalyasat ti lugan iti nasao a kalsada ket naaddaan iti depekto ti preno agingga a saan a nakontrol ti driver ti kambiyo ken sadiay nga aksidente a natinag ti lugan iti rangkis nga aguneg iti agarup 50 a metro.
Innayon ni Tamid-ay nga idi kalman ket naipangato metten ti nasao a lugan iti kalsada manipud iti nakatnagan daytoy a rangkis.
————– Filipino translation ———–
BAGUIO CITY – Nananatili sa pagamutan ang dalawa mula sa anim na turista na nasugatan sa pagkaaksidente ng kotseng kanilang sinakyan sa kasagsagan ng Mt. Pulag-Ambangeg Trail sa Keweng, Ambangeg, Bokod, Benguet.
Una nang nakilala ang mga biktima na sina Maria Felisa Anne Cruz, 28-anyos; Dale Kleyton Matutina, 28-anyos; Carl Jason E. Lumanog, 28-anyos; Arnel Luciano, 24-anyos; Hanz Justine Argamosa, 28-anyos at Alexis Fante, 40-anyos na kapwa residente ng Cainta, Rizal.
Ayon kay PSI Vicente Tamid-ay, hepe ng Bokod-PNP, nagpapagamut pa sa ospital sina Fante at Matutina dahil sa tinamo ng mga ito na iba’t-ibang sugat habang maliliit na sugat lamang ang tinamo ng kanilang mga kasama.
Sinabi niya na nanggaling ang mga turista sa Mount Pulag at nakasakay ang mga ito sa kotseng may plakang APA 7540 na minaneho ni Lionell Hontalba Libarios.
Batay sa imbestigasyon, nawalan ng preno ang sasakyan na nagresulta sa pagkakahulog nito sa bangin na may lalim na halos 50 metro.
