Imbinglay ni President Ferdinand Marcos, Jr. a binilinnan dagiti maseknan nga ahensya a tarimaanen ken papartakenda ti proseso iti panangipaay ti bonus dagiti mannursuro iti pagilian.
Inwaragawag daytoy ti presidente iti selebrayon ti national teachers day ita nga aldaw a naangay idiay Araneta Coliseum idiay Quezon City.
Karaman iti nasao nga issue ti World Teachers’ Day Incentive Benefit a maawawat dagiti mannursuro tunggal Oktobre 5 kasta metten ti Performance-Based Bonus para iti 2024 nga agtultuloy nga ipoproseso ti gobyerno.
Iti mensahe ni PBBM, impeksana ti kinapateg dagiti mannursuro iti panangbukel iti disiplina ken panangipateg kadagiti agtutubo.
Kinunana metlaeng a mannarimaan ti panangpabileg ti gobyerno iti guidance ken mental health support para kadagiti pagadalan ken dagiti nagduduma nga addang kontra iti bullying ken kinaranggas kadagiti pagadalan.
Sigun iti presidente, agtaltalinaed a prayoridad ti administrasyon ti edukasyon ken pagimbagan dagiti mannursuro iti pagilian.
