Agtaltalinaed kas kangrunaan a prayoridad ti Kamara ti edukasyon iti singasing a 2027 national budget bayat ninayunanda met iti P12.23 Billion ti pondo para iti sektor ti salun-at.
Sigun iti House General Appropriations Bill a naaprobaran iti maikadua a pannakaibasa, agtaltalinaed ti P1.107 trillion a pondo para iti edukasyon.
Nangipaayda pay iti kanayunan a P10.055 Billion para kadagiti programa ti sektor, pakairamanan ti tulong pinansyal kadagiti estudyante, panangtarimaan kadagiti pagadalan, seguridad ken dadduma pay.
Karaman metlaeng iti agarup P1.1 Trillion ti P2.1 billion para iti Tertiary Education Subsidy, P1.77 Billion para iti Tulong Dunong Program, ken P952 milyon para iti pannakaipatakder ken panangtarimaan kadagiti pasilidad ti pagadalan.
Sigun kenni House Appropriations Committee Chairperson Rep. Mikaela Angela Suansing, impanamnama ti Kamara a mapagtalinaed ti pakabuklan a pondo para iti edukasyon.
Naituding met a matalantan ken mabutosan inton bigat ti singasing a pondo para iti maikatlo ken maudi a pannakaibasa daytoy ken dagos a maisumitir iti Senado para iti bukodda a panangaprobar.
