Imbinglay ni Councilor Vladimir Cayabas dagiti napagtatalantanan iti napasamak a midyear assembly iti nagbaetan dagiti private learning institution iti Luzon no sadino inatendaran daytoy dagiti mangibagbagi manipud iti Bicol region, Central Luzon, Region 4A ken 4B, Region 1, Region 2 ken iti rehiyon Cordillera.
Sigun kenkuana, napagtatalantanan dagiti nagduduma a pakaseknan dagiti institution ken no kasano a maikkan iti solusyon dagitoy a pakaseknan.
Napagsaritaanda metlaeng no kasano a mapapigsa dagiti programa a makatulong iti edukasyon kas tulong iti national education agenda iti agdama nga administration.
Imbinglay pay ni Councilor Cayabas a napagsasaritaanda no kasano a mapapigsa ti partnershipda iti gobyerno.
Sigun kenkuan, saan laeng a dagiti pakaseknan dagiti public school iti ikkan iti solusyon iti Department of Education nu di ket pati dagiti pakaseknan dagiti pribado a pagadalan.
Patien ni Councilor Cayabas a nalalaing dagiti adda iti public ken private schools isu’t gapunna a nasken a maipaay ti patas nga atensyon kenkuada.
Kabayatanna, inyebkas ni Councilor Cayabas ti pinagyamanna kadagiti manursuro iti siudad ita nga aldaw a maselselebraran ti National Teacher’s Day.
Impettengna ti kinapateg ti papel dagiti manursuro iti panangisuro kadagiti estudyante, nangruna iti panangporma iti masakbayan dagitoy.
Ginuyugoyna met dagiti umili nga ipakitada ti panagyaman ken respeto kadagiti manursuro gapu iti tulong ken dedikasionda iti edukasion.// via Bombo Khey Reparip
