[photo credit to the owner]
Baguio City – Agawiden ditoy siudad ti Baguio ken dadduma pay a paset ti rehiyon dagiti doktor ken nars a nagturong sadiay Marawi City para iti serbisyo medikal nga impaayda kadagiti evacuees.
Segun kenni Clark Dizon, Nurse IV ken Emergency Management Coordinator ti Department of Health – Cordillera, agawiden inton Huwebes, December 7 dagiti 22 a doktor ken nars.
Dinakamatna a nagtaud dagitoy iti Baguio General Hospital and Medical Center ken iti mismo nga DOH-Cordillera ken naiwaras dagitoy kadagiti ospital ken evacuation centers sadiay Marawi City.
Imbingayna a naobserbaranda ti inot-inot a pananglipat dagiti ubbing iti napasaran dagitoy iti lima a bulan a gubat iti nagbaetan ti tropa ti gobyerno ken dagiti terorista kas maibasar iti therapy nga ipatpatungpalda.
Kabayatanna, kinunana nga iti panangisayangkatda iti cluster services kas iti arts therapy ket naamuanda a sumagmamano kadagiti Kristiyano nga evacuees ti saan paylaeng a makarikrikna iti Paskua ken saanda nga ammo no kasano a rambakan daytoy.
