--Ads--
BAGUIO CITY- Isubli ti lokal a gobyerno ti siudad ti Baguio ti sigud a Christmas Tree a naipasdek sadiay Upper Session Road idi napalabas a tawen.
Kasaruno daytoy ti panakauram ti paset ti naimultar sadiay nga art installation a nangipakita iti tradisyon ti rehion Cordillera.
Iti panakipatang ti Bombo Radyo kenni Councilor Elmer Datuin, nasakit met ti nakemda iti panakaikkat ti nasao nga art installation nupay kasta, kinednganda a maikkat ken masukatan daytoy iti tradisyonal a Cristmas Tree.
Innayonna a ti napateg ket adda ti opisyal a Christmas Tree ti siudad a masarakan sadiay Rose Garden iti Burnham Park.
