--Ads--
BAGUIO CITY – Nakemmeg ti maysa a mekaniko ti lugan ioti buy-bust operation nga insayangkat ti City Drug Enforcement Unit, City Intelligence Unit ken ti Baguio City Police Office – Station 5 iti waiting shed sadiay Middle Rock Quarry, siudad ti Baguio idi kanikadua.
Nabigbig daytoy a ni Rustom Gallardo Sabado, 43-anyos, naasawaan, mekaniko ti lugan ken agab-abang sadiay Middle Rock Quarry, siudad ti Baguio.
Nakumpiskar kenkuana ti maysa a sachet a naglaon ti maatap a shabu, maysa a pudpudno a five hundred peso bill ken maysa a boodle money a five hundred pesos.
Sumangsango ita ti suspek iti kaso a panaglabsing ti RA 9165 wenno ti Comprehensive Dangerous Drugs Act of 2002.
