BAGUIO CITY – Manarimaan ti panangrepaso ti Baguio City Police Office iti video footage iti uneg ti maysa a bakery sadiay Outlook Drive, siudad ti Baguio tapnu maduktalan ti pakabigbigan dagiti nangala iti slingbag ti gangannaet a kustomer sadiay idi kalman.
Nabigbig ti gangannaet a ni Young Mi Choi, 50-anyos, naasawaan ken ti residente iti
Laubach Road bayat a saan pay a nabigbig dagiti suspek a maatap a naglugan iti maysa a kotse a nagturong iti paset ti Townhouse.
Ti nasao nga sling bag ket naglaon iti 6,000 USD, P65,000, maysa a selfon, credit card ken pasaportte.
Maibasar iti report, rimuar ti biktima ken imbatina ti nagna iti nagtugawanna a lamisaan.
Dagus met a simrek iti nasoa a bakery ti suspek a babae ken lalaki ngem nagpammarang a kustomer ti babae.
Nagtugaw ti suspek a lalaki iti nagtugawan ti biktima ngem pinapanaw daytoy dagiti kakadua ti biktima.
Saan met a nasiputan dagiti kakadua ti biktima no kasano a naala ti suspek a lalaki ti sling bag ti biktima.
