BAGUIO CITY — Kikiddawen ti Brotherhood for Peace ti pannakitinnulong ti publiko iti pannakarisot ti parikot maipapan kadagiti grupo a mangisaksaknap iti riribok ditoy siudad.
Impetteng ni Jayson Balag-ey, chairman ti Brotherhood for Peace ditoy siudad a ti nasao a pakaseknan ket saan laeng a para kadagiti pulis no di ket masapul ti pannakitinnulong iti daytoy ti lokal a gobierno, dagiti nagannak, pagadalan ken dagiti umili.
Kinunana a nakasagana ti grupo dagitoy a mangsuporta iti aniaman a programa a maipatungpal tapno mabigbig no asino dagiti kameng dagiti nasao a grupo para iti pannakaipatungpal ti kaskenan nga addang kontra kadagitoy.
Kinuna ni Balag-ey a nasken ti dagus nga aksion kontra iti nasao a grupo tapno saan a kumaro a pumigsa ti puersa dagitoy tapno maliklikan ti narangranggas a posible nga ipatungpal dagitoy.
Binalakadanna pay ti publiko a no adda ti makita dagitoy a grupo dagiti agtutubo a mapagduaduaan iti tignayda ket ireportda daytoy a dagus iti pulisya.
