BAGUIO CITY–Mangnamnama ti liga dagiti asosasyon iti La Trinidad Vegetable Trading Post a patgan ti Department of Juctice ti petisyon dagitoy para iti posible a panakawaswas ti naaprobaran a Revenue Code iti munisipyo iti La Trinidad.
Sigun kenni Agot Balanoy, panakangiwat ti liga dagiti asosasion sadiay La Trinidad Vegetable Trading Post, namnamaenda ti napintas ken positibo a desision ti DOJ iti las-ud ti innem a pulo nga aldaw.
Inlawlawagna a napilitanda nga umapela iti DOJ gaputa saanda a mauray ti positibo nga aksion ti lokal a konseho ti La Trinidad mainaig iti kiddawda a maamyendaran ti naaprobaran a revenue Code ti munisipyo gaputa nangato unay dagiti baro a babayadan dagiti negosyante.
kinunana a saanda nga umapela nu umno laeng ti panakaipangato dagiti nagduduma a regulatory fees ken business tax iti munisipyo ngem ado kadagiti padada a negosyante ti saan a makabael nga agbayad iti ngimmato a buis dagitoy.
Malaksid iti dayta, inyapela pay dagitoy ti maatap a saan a panakasurot umno a proseso iti panakaipasa ti nasao nga ordinansa iti lokal a konseho kas iti nakurang a konsultasion kadagiti maseknan a negosyante.
