BAGUIO CITY-Pimmusay ti maysa a kameng ti New People’s Army iti panakirinaut dagitoy kadagiti kameng ti 24th Infantry Batalion ti 7th Infantry Division idi kalman sadiay sadiay Sitio Mabungtot, Ud-Udiao, Sal-Lapadan, Abra.
Sigun iti 7th ID, dumanon iti sangapulo a miyembro ti Communist New People’s Army Terrorists Group ti nakaengkwento dagitoy iti nasurok 28 a minutos a rinnupak.
Gapu iti daytoy, kumpirmado a pimmusay ti maysa a kameng ti NPA ken narekober met ti uppat a high powered fire arm pakairamanan ti tallo nga M16 rifles, maysa carbine rifle ken maysa nga I-COM Radio bayat nga awan met ti nadangran iti benneg ti gobyerno.
Naamuan a manarimaan ti panangipatungpal ti kameng dagitoy ti operasyon maipanggep iti damag a naawatda maipanggep iti presenya dagiti NPA iti nasao a lugar idi nasalaw-da ti maysa a grupo dagiti NPA.
Gapu iti daytoy, agtultuloy pay laeng ti ipatpatungpalda nga operasyon para iti posible iti panakakemmeg dagiti kadkadwa ti pimmusay.
