BAGUIO CITY – Pimmusay ti maysa a babae kalpasan nga aksidente a naatalan ti maysa a parapasahero a jeep nga addaan ruta ti La Trinidad sadiay Magsaysay Road, Baguio City iti malem kalman.
Sigun kenni PCI Gil Imado, commander ti Baguio City Police Office – Station 2, posible nga addaan iti sakit iti utek ti nasao a babai gaputa makitkitada nga agkatangkatang daytoy iti sentro ti siudad.
Nupay kasta, saan pay a nabigbig ti biktima a nakasuot iti pantalon ken jacket.
Kinunana a maibasar iti imbestigasyon ket saan a nakita ti driver nga adda ti biktima iti sangwanan ti lugan dagitoy ken idi ag-abante ket aksidente a naatalan ti ulo ti biktima.
Naiturong ti bangkay ti biktima iti maysa a punerarya ditoy siudad bayat a naipaima ti driver iti opisina ti Traffic Enforcement Unit ti Baguio City Police Office para iti kaseknan a dokumentasyon.
