BAGUIO CITY–Maituloy ti calibration dagiti metro dagiti taxi iti rehion Cordillera agingga nga awan ti pammilin manipud iti Land Transportation and Franchising Regulatory Board (LTFRB) Central Office mainaig iti panakasuspindir ti narugian a calibration dagiti taxi.
Nagbalina a reaksion daytoy ni LTFRB – Cordillera Acting Chief Transportation Development Officer Robert Pocais kalpasan a kinuna ti maysa nga opisyal ti Deparment of Transportation – Cordillera a posible a masuspindir ti calibration dagiti taxi gapu iti panagtubngar dagiti dadduma nga operators.
Sigun kenni Pocais, ti calibration dagiti metro dagiti taxi ket nakalanad iti pammilin ti LTFRB Central Office kas paset ti kalikagum idi napatgan ti kiddaw a panakaipangato ti plete kadagiti taxi.
Inyunay-unayna a nangrugin ti calibration ti taxi meter idi March 5 ken agtuloy daytoy kas nakalanad iti naituding nga schedule.
Naamuan nga idi Lunes ket naka-calibrate dagitoy iti 49 a taxi ken patienna nga idi kalman ket posible a dimmanon iti 100 a taxi ti nacalibrate.
Sigun kenni Pocais, amin a taxi meter a na-calibrate ket nakabilan ti sticker a pakabasaan ti “meter tested and sealed”.
Impalagipna pay a mamulta dagiti taxi drivers ken operators a saan a mangipapaay iti resibo dagiti aglugan kadagitoy a pasahero
