BAGUIO CITY- Natinnag iti rangkis ti maysa a pribado a lugan sadiay Pinsao Proper, Baguio City idi kalman.
Segun kenni SPO1 Jason Bay-an, imbestigador ti nasao nga insidente, ti nasao a lugan ket imanmaneho ni Mrs. Shirley Edwin Ubagan, 52-anyos ken residente ti nasao metlaeng a lugar.
Nabigbig met ti dua a pasahero daytoy a ni Gianne Janiola , anak ni Mrs. Ubagan, 30-anyos ken ti apoko daytoy a lalaki a saiz anyos.
Naamuan a nagtaud sadiay Tacay Road ti pribado a lugan ken agparada kuma daytoy iti nasao a lugar sakbay a napasamak ti nasao nga aksidente.
Kinuna met ti driber a naaddaan iti sudden unintended acceleration ti lugan dagitoy a nangitunda tapnu matinnag daytoy iti igid ti kalsada nga addaan iti kauneg a 10 a metro.
Awan met ti nadangran kadagiti nakalugan iti nasao a lugan.
