BAGUIO CITY–Impannakel ni Ensign Jaywardene Hontoria ti nagtaudan daytoy a kita ti panagbiag partikular ti panagtalon a nangitunda kenkuana iti panagballigina iti Philippine Military Academy.
Iti panangipaayna iti Valedictory address daytoy iti kalleppas a PMA Graduation Rites, kinunana a saanna a malipatan ti kanayon a pammagbaga ti amana a nalaglag-an a maigemman ti “ballpen” iti pagadalan nu idilig iti araro iti panagtalon.
Kinunana a nagbalin daytoy a rehistrado a nurse ngem nariknana iti bagina a saan daytoy a naragsak ken kuntento agingga a nakapasa iti PMA Entrance Examination iti baet nga awan ti “military image” iti pamilya dagitoy.
Innayonna a saan nalaka ti nagbalin a biag dagitoy iti uneg ti akademya ngem impannakelna a dakkel ti nasursuro dagitoy iti kinapateg ti disiplina ken determinasion iti biag.
Inaklon pay ni Hontoria nga agamak met laeng dagitoy gaputa ado kadagiti soldado ti pumuspusay iti bansa.
Nupay kasta, kinunana a nakasagana daytoy nag agserbi iti pagillian ken masursurona met laeng nu kasanu a maliklikan ti panagbuteng.
kinunana nga iti baet ti iseserrekna iti serbisyo ket mangnamnama daytoy a makasubli iti dinakelanna a biag kangrunaan ti panagtalon a nangkarit kenkuana tapnu agballigi iti biag.
