BAGUIO CITY – Binabalaw ti panakangiwat ti grupo a Mayor Rodrigo Roa Duterte-National Executive Coordinating Committee (MRRD-NECC) – Cordillera Chapter ti pannakakontra ti pannakadutok ti agserbi a baro a dadaulo ti National Commission on Indigenous Peoples (NCIP)-Cordillera.
Sigun kenni Rex Bayangan, idi pay April 6 ti agdama a tawen ket pinirmaan ni Presidente Rodrigo Duterte ti pannakadutok ni Daisy Lee a taga-Benguet kas dadaulo ti NCIP-Cordillera.
Nupay kasta, kinunana a nagsasaruno ti panagturong dagiti indibidual sadiay Malakanyang tapno malapdan ti panagtugaw ni Lee.
Binabalaw pay ni Bayangan ti panangkontra dagiti opisial ken umili ti Benguet ti pannakaipatugaw ni Lee a mismo a kailian dagitoy.
Iti baet daytoy, nagyaman ni Bayangan iti panangsuporta dagiti opisial ti Abra, Apayao ken Kalinga iti panagserbi ni Lee kas dadaulo ti NCIP-Cordillera.
Naamuan a ni Lee ti dadaulo ti MRRD-NECC – Cordillera Chapter.
