BAGUIO CITY–Nasarakan ti bangkay ti maysa a lalaki iti igid ti kalsada sadiay Purok Suyoc, Loakan Baguio City kalpasan a napalpaltugan iti rabbi.
Nabigbig daytoy a ni Montelan Manguranca, maysa a Muslim.
Iti inisial a panagsukimat ti pulisya, nakarekober dagitoy iti iligal a droga manipod iti ikot ti pimmusay nga lalaki.
Maibasar iti salaysay ti maysa a residente nga asideg iti nakasarakan ti bangkay, nakangegda iti kanalbuong ti paltog iti pasado alas onse idi rabii ngem saanda a ninamnama nga adda ti napaltugan iti asideg ti pagtaenganda.
Kinunana a naklaat laeng dagitoy idi nakitada nga adda iti nakadasay it igid ti kalsada.
Naiturong ti bangkay iti maysa a punerarya sadiay Naguillian Road ken naituding a maipasidong iti otopsiya iti kanito a palubusan ti pamilyana.
