Nagturong mismo ditoy estasyon ti bombo radyo baguio ti duwa a lalaki nga inreklamo ti maysa a guwardiya a nakadestino nga agwanwanawan iti Burnham Park kalpasan a naaktoanna ti duwa a mapapati a mangisaysayangkat iti “sexual act ” iti deppaar ti Children’s Park idi rabii ti November 15.
Sigun iti maysa kadagiti lalaki a naireklamo, saan a pudno ti kinuna ti guwardiya a nakababa ti pantalon daytoy nu diket nakababa laeng ti zipper ti panatalonna a binulud na laeng iti barkadana.
Maibasar iti salaysay ti lalaki, nagturong daytoy ken ti barkadana sadiay Childrens’ Park partikukar iti waiting shed sadiay iti oras ti alas seite idi November 15 tapnu agtungtung.
Inkalinteganna a ti lugar a nagtugawan dagitoy ket nalawag ken adda ti kadwada a duwa pay nga indibidual ngem kalpasan ti tallopulo a minutos ket pimmanaw ti duwa nga indibidual ken dita nga immasideg kenkuada ti guwardiya nga immunan a nabigbig a ni Mr. Christian Ayyom.
Inlawlawag dagitoy nga awan ti ar-aramiden da nga illegal gaputa agtungtungtungda laeng a duwa kasta met nga imbinsana a nadadael ti zipper ti pantalon daytoy idi dinilaw ti guwardiya.
Kalpasan iti daytoy ket nagtungtungda ken dita nga impeksa ti guwardiya nga adda ti multa dagiti matiltiliwan a mangisaysayangkat iti “sexual act ” ken inyuman ti guwardiya ti napasamak kadagiti police a madama nga agpatpatrolya sadiay Burnham Park.
Kabayatan ti deliberasyon iti BCPO Station 7, kinunana nga awan ti inaramidda a madi bayat a naipisokda latta iti temporary lock up cell iti baet a saanda a nanggeg ti panangilawlawag ti duwa a lalaki.
Iti agdama , kiniddaw dagitoy a rumwar ti pudno a napasamak nangruna ta dagitoy ket agpada nga estudyante ken ti kadwana ket umadanin nga agturpos.
Saanna met a naliklikan nga inyebkas ti napasaran daytoy a depresyon gapu iti napasamak nangruna ta ninaganan dagitoy ti sumagmamano a media outfit.
Nadakamatna a nangala kuma iti ladawan ti guwardiya no patienna nga adda ti ar-aramiden dagitoy a maikaniwas iti linteg.
Innayonna a no bilang adda manen ti maranaan dagiti guwardiya a mapaspasamak iti burnham park a patienda a “sexual act “ saandan nga urayen nga adda ti mapasamak sakbayda a mangisayangkat iti kaskenan nga askyon.
Impeksana a nasakitan unay ken naliddayan gaputa saanna a kabaelan nga aramiden ti nasao a “sexual act”.
Tarigagayna a malawlawagan iti publiko nangruna dagiti nangbasa ken nangiwarawaras ti damag a saan a pudno ti nasao a napasamak nangruna ta maatap a nanayunan daytoy iti baet a saanda nga inaramid.
