BAGUIO CITY – Nakemmeg ti dua a top most wanted persons iti rehion Cordilera a resulta ti operasion ti nagtipon a pwersa dagiti otoridad sadiay probinsia ti Apayao ken Benguet
Natiliw babaen iti joint manhunt operation ti nagududuma a yunit ti pulisya ti Pinukpok, Kalinga ti 41-anyos a suspek a residente ti Sitio Lower Basisao Barangay Taggay, Pinukpuk, Kalinga ken maibilbilang a Top Most Wanted Person ti rehion Cordillera iti Municipal Level para iti maikadwa a kwarter ti agdama a tawen
Nakemmeg daytoy iti bileg ti warrant of arrrest nga imapulog ti korte no sadino awan ti nairekomendar a piyansa daytoy iti kasona a panaglabsing iti RA 9165 wenno ti Comprehensive Anti-Illegal Drugs Act of 2002
Kabayatanna, balligi a kinemmeg ti kameng ti Benguet Police Provincial Office (PPO) ti Number 4 Most Wanted Person a nailista iti Provincial Level iti Second Quarter 2021 sadiay Tadiangan, Tuba, Benguet kabayatan iti Holy week.
Nabigbig daytoy a ni Ronnel Alban Taquid, agtawen iti 34, laborer ken residente iti nadakamat a lugar.
Natiliw daytoy gapu iti kasona a panaglabsing iti RA 8353 wenno ti Anti-Rape Law a nailista idi paylaeng March 2019.
Maibasar iti impormasion, dua a tawenen a wanwananwanan dagiti otoridad ti suspek no sadino natilliw daytoy babaen iti billig ti warrant of arrest nga impaulog iti korte.
Naiturongen dagiti suspek kadagiti maseknan nga estaion ti pulisya.
Kabayatana, mapilaan iti kaskenan a kaso ti 49-anyos nga high-value individual (HVI) drug personality kalpasan a nakemmeg babaen iti implementasion ti Search Warrant ti Kalinga Police Office sadiay Malin-awa, Tabuk City, Kalinga idi kalman.
Babaen iti nagtipon a pwersa ti pulisya ken nagduduma nga operatiba, nakumpiskar manipud iti suspek ti pakabuklan a lima a gramo ti kadagsenna a shabu a naikabil iti nagduduma a plastik a mapatta-patta nga aggatad iti pakabuklan a P34,000.
Naala maniud pay iti nakemmeg nga indibidual ti lighter, rolyo ti foil ken cellphone nga ar-aramaten ti suspek iti transaksion daytoy.
Sumangsango itan ti suspek iti panaglabsing iti Comprehensive Anti-Illegal Drugs Act of 2002.
