--Ads--
Nakemmeg ti maysa a carwash boy kalpasan nga intarayna ti maysa nga SUV manipud Sanchez Mira, Cagayan.
Nabigbig ti suspek a ni Hernand Zabaro, 24-anyos.
Naarestar ti suspek sadiay Tuba, Benguet idi kalman, Nobyembre 7, kalpasan a mapapati nga intarayna ti nasao a lugan idi Nobyembre 4, alas-singko ti malem.
Dagus met a nangipatulod ti report ti Sanchez Mira Police Station kadagiti amin a police station rason a nakemmeg ti suspek iti checkpoint sadiay Tuba, Benguet.
Sigun iti report, ti suspek ket nagnaed iti Sanchez Mira iti dua a bulan ken nagtrabaho kas carwash boy iti uneg ti dua a lawas.
Sigun pay iti report, napilaan metlaeng ti suspek ti nagtutuon a kaso mainaig iti iligal a droga, ken carnapping.
