--Ads--
Nagrikus ken nag-inspect dagiti kameng ti K9 Explosive Ordnance Disposal and Canine Group iti aglawlaw ti bus terminal ken van terminal iti Slaughter Compound, Baguio City ita nga aldaw.
Kaduada ti maysa a K9 wenno police dog iti panag-inspect dagitoy.
Iti naipatungpal nga inspection wenno panagsukimat, awan ti aniaman a mapagduaduaan a banag ti naangot wenno naobserbar ti police dog.
Nakabantay dagiti kameng ti Baguio City Police Office (BCPO) Police Station 2 ken naimuntar ti Police Assistance Desk para kadagiti indibidual nga agdamag wenno agkasapulan iti tulong.
Iti agdama, natalged ken natalna ti operasyon iti slaughter compound.
