Bayat nga agtultuloy ti panangtingiting ti Department of Justice (DOJ) iti sumagmamano a pending a kaso ti Dengvaxia, agtaltalinaed nga “optimistic” wenno positibo dagiti doktor a maiwaksi dagiti darum kontra kadakuada.
Iti maysa a statement, inyebkas ni sigud a Health Undersecretary Dr. Kenneth Hartigan-Go ti panagyamanna gapu iti panangilawlawag kadagiti kaso ken kiddawna a maikkat ti lisensia dagiti peke nga eksperto.
Agtaltalained met latta ti takder ni Pathologist Dr. Raymund Lo awan ti ebidensia a manginaig iti bakuna a Dengvaxia kadagiti maipagarup nga ipupusay dagiti ubbing a nagpabakuna.
Sinuportaran met ni DOJ Undersecretary Raul Vasquez ni kinuna ni Dr. Lo nu sadinno,kinuna nga awan ti โdirect causal relationshipโ iti nagbaetan ti bakuna ket ipupusay dagiti nagbakuna nga ubbing.
Impaganetgetna nga adu a banag ti naikonsidera iti case re-evaluation.
Kabayatanna, nagprotesta dagiti kabagyan dagiti biktima iti Dengvaxia a mangkidkiddaw kenni Justice Secretary Jesus Crispin Remulla a mangisayangkat ti kanayunan nga imbestigasion iti kaso.
