Natiliw ti Bureau of Immigration (BI) ti agassawa iti Ninoy Aquino International Airport (NAIA) a mapapati a nangipresenta iti peke a visa ti Netherlands.
Sigun iti nasao nga ahensia, pinadas ti agassawa ti naglugan iti eroplano nga agturong idiay Amsterdam idi napagduaduaan dagiti immigration officers ti visada.
Iti pananakipasidongda iti forensic examination,kinumpirmar ti Bureau of Immigration (BI) a dagiti visa ket palso, ken kalpasan ti sumagmamano nga oras, inaklon ti agassawa a nagbayadda ti P268,000 para iti panagbiahe dagitoy.
Gapu iti napasamak, nagballaag manen ni BI Commissioner Joel Anthony Viado iti publiko kontra kadagiti awan prinsipiona a grupo a mangidiadiaya ti peke a visa.
Kinuna ni Viado a ti nasao nga aramid ket saan laeng a mangsayang iti kuarta a nagbannugan nu diket mangikabil pay kadagiti agbibiahe iti peggad iti legal a pagbanagan.
Iti agdama, naiturn over dagiti agassawa iti Inter-Agency Council Against Trafficking (IACAT) para iti kanayunan nga imbestigasion.
