Pimmusay ti sangapulo ket lima nga indibidual bayat sangapulo ket lima ti nadangran iti napasamak nga stampede iti kangrunaan nga estasion ti tren idiay New Delhi, India.
Agpatpataming ita dagiti nadangran iti ospital ti Lok Nayak iti nasao a lugar.
Napasamak ti insidente bayat nga agur-uray dagiti pasahero tapno agsakay iti tren a paturong iti Prayagraj city, lugar a nakaangayan ti Hindu Maha Kumbh festival.
Karaman kadagiti pimmusay ket sangapulo a babbai ken ti tallo nga ubbing.
Sigun kenni chief minister Atishi ti Delhi, kaaduan kadagiti biktima ket “pilgrims” a makipaset kuma iti Maha Kumbh festival.
Kinumpirmar met ni Indian Prime Minister Narendra Modi ken sumagmamanon nga opisial ti napasamak nga stampede babaen iti social media post dagitoy.
