--Ads--
Impakaammo iti Philippine Statistics Authority a bimmaba ti employment rate iti Pilipinas idi bulan iti Enero a dimmanon iti 95.7%.
Buklen daytoy ti 48.49 million nga employed individuals.
Ti nasao a porciento ket nababbaba ngem iti nailista a 96.1% idi bulan iti Oktubre ken ti 96.9% idi bulan iti Disyembre.
Nupay kasta, nasaysayaat ti rekord ita a tawen nu idilig iti employment rate idi napan a tawen iti kapada metlaeng a bulan a dimmanon laeng iti 95.5%.
Kabayatanna, ti bilang met dagiti Pilipino nga awanan iti trabaho iti agdama ket dumanon iti 2.16million sigun iti datos ti nasao nga opisina.
