Idagdagadag ni Baguio City Mayor Benjamin Magalong iti publiko a saan a mangitugot iti bukodda a lugan ken agsakay iti bus nu agturong iti siudad ti Baguio tapno maliklikan ti nailet a gunay ti trapiko.
Daytoy ket gaputa pinili ti dadduma a turista nga agturong iti City of Pines, ken nasapsapa pay dagiti dadduma a nagbisita tapno maliklikanda ti kinaadu ti tao.
Sigun kenni Mayor Magalong, daytoy ket kas maibasar iti datos nu sadinnom, maiparparangarang ti nakaro unay a trapiko bayat ti holiday seasons.
Saan pay nga inwaragawag ti gobierno ti Baguio City no ikkatenna ti number coding scheme ita a Holy Week, isut rason a nasaysayaat a saanda nga itugot ti lugan dagiti sumang-at iti siudad.
Ita nga aldaw, naobserbaran dagiti sumagmamano a bisita iti Burham Park nu sadinno, maimatangan a nakaluganda iti “go kart,” bisekleta, ken bangka bayat a ragragsakenda a riknaen ti nalam-ek a panawen
