Dismayado ken maladingitan ni Mayor Benjamin Magalong iti nagbanagan ti Barangay Hall ti City Camp Proper kalpasan a nailatang ti dakkel a gatad para iti daytoy, gapu ta substandard ti pannakaaramid daytoy.
Sigun kenni Mayor Benjamin Magalong, naikoordinar ken naimpormaran ni Department of Public Works and Highways (DPWH) Secretary Vince Dizon kasta metlaeng ti Commission on Audit (COA) para iti pangimbestiga iti nasao nga issue nangruna ta ti nabusbos a pondo iti nasao a proyekto ket nagtaod manipud iti buwis nga ibaybayad ti publiko.
Innayon ti opisyal a saan daytoy a mapnek iti pammalawag ti kontraktor.
Impeksa pay daytoy a kwestionable metlaeng ti implementasyon ti nasao a proyekto.
Dinakamatna a nupay makaay-ayo a kitkitaen ti nasao a building iti ruwar, saanen a nasayaat ti langa daytoy iti uneg.
Mainaig iti dayta, maingetan ti inspeksyon kadagiti amin a barangay hall a mannarimaan a maar-aramid kasta metlaeng dagiti dadduma a proyekto iti siudad.//via Bombo Vy
