Pinaaktibo manen ti Office of Civil Defense (OCD) ti emergency response protocols daytoy ti idi Biyernes, Abril 18, kas sungbat iti manamnama a napeggad pudot iti dadduma a paset ti pagilian a mabalin a mangpataud iti peggad iti salun-at.
Sigun kenni OCD administrator Undersecretary Ariel Nepomuceno, naka-alerto ti amin a regional offices ti nasao nga ahenisa ken nakikoordinarda kadagiti lokal a gobierno tapno mangipaay ti dagos a tulong ken maipasigurado ti natalged a publiko.
Maibasar iti report ti DOST-PAGASA, dumanon iti 43°C ti heat index iti saan a bummaba iti 16 a lugar idi Biyernes Santo. Impakdaar ti nasao nga ahensia a posible ti heat cramps ken heat exhaustion ti mabalin a mapasaran ti nasao a lebel, ken adda ti pangta ti heat stroke nu agtultuloy a na-expose iti pudot ti panawen.
Kaaduan kadagiti rehiyon ket makapaspasar ti heat index manipod 33°C agingga 41°C, a simrek iti “extreme caution” level.
Imbalakad ti OCD ti publiko nga agtalinaed kadagiti nalamiis wenno nasayaat ti bentilasionna a lugar, agusar iti nalamiis a kawes, agusar iti payong wenno kalugong, ken uminum iti saan a kumurang a walo a baso a danum iti tunggal aldaw. Mabalin met nga usaren ti cold compress wenno ice pack kas proteksion iti pudot.
