Dumanonen iti agarup 4 milyon nga indibidual wenno katukad iti 1.2 a pamilya iti pagilian a Pilipinas ti naapektaran gapu iti naglabas a bagyo ken habagat.
Iti kaudian a datos ti Office of the Civil Defense (OCD), nairekord dagiti apektado sadiay Ilocos Region, Cagayan Valley, Central Luzon, Bicol, Western Visayas, Zambonga Peninsula, Calabarzon, Cordillera Administrative Region, Metro Manila ken Mimaropa.
Agarup 51,000 nga indibidual ti mannarimaan nga agtaltalinaed kadagiti nagduduma nga evacuation center.
Kabayatanna, 21 metten ti nairekord da a pimmusay gapu iti kalamidad no sadino 15 kadagitoy ket nailista iti Baguio-Benguet.
Dumanon metten iti agarup P2.6 bilyon ti gatad ti nadadael iti sektor ti imprastraktura bayat a P347 milyon ti gatad ti nadadael iti agrikultura.
Iti baet dayta, agtultuloy latta ti panangipaay iti tuloy ti gobyerno kadagiti naapektaran a pamilya. //bombokaren.c.sapirao
