Manarimaan ti imbestigasyon ti Bureau of Fire Protection- Baguio iti napasamak a grass fire sadiay Purok 6 Pinsao Proper, Baguio city idi kalman.
Sigun iti imbestigador a nakauman ti Bombo Radyo, daytoy ket naitawag kadakuada iti oras ti 9:35 ti agsapa idi kalman ken naideklara daytoy a fire out iti oras ti 10:37 ti agsapa idi kalman.
Maibasar iti initial nga imbestigasyon, nasuruk kumurang 1ksqm ti nauram.
Malaksid iti dayta ket adu dagiti naurama a pine trees sadiay.
Awan met ti nadangran iti napasamak nga uram.
Kabayatanna, ti agtagikua iti lote ket adda idiay Manila bayat a ti care taker daytoy ti nabati sadiay.
Iti sabali a bangir, addan ti nailista a dua pulo ket tallo a kaso ti uram iti syudad ti Baguio manipud bulan ti Entero agingga Abril.
Siyam kadagitoy ket residential, innem a kaso ket non-residential, tallo ket forest ken grass fire, dua ket transport wenno vehicle fire.//Bombo Noveh Organo
