Dumanon iti agarup 6,400 a pasiente ti naagasan ti Philippine Red Cross iti intero a pagilian bayat ti Holy Week 2025 agingga iti malem ti Domingo.
Iti maysa nga advisory, kinuna ti Red Cross a nakailistada iti 6,397 a pasiente agingga iti 2 p.m. idi Domingo, Abril 20, manipud Abril 12, 2025.
Iti nasao a pakabuklan, 5,928 ti namonitor ti vital signs.
Adda ti 434 a babassit a kaso, ken 16 ti kangrunaan a kaso —angkit, sakit ti barukong, pannakapukaw ti puot, numbness gapu iti panagulaw, multiple abrasions, multiple laceration, shortness of breath, suspected dislocation, ken seizures.
Dumanon met iti sangapulo ket siam a pasiente ti naiturong iti ospital, pakairamanan dagiti indibidual nga addaan ti nakaro nga ut-ot iti muging ken pulso, avulsion, bee sting, epigastric pain, hyperventilation, pannakapukaw ti puot, sakit ti muging, laceration of the forehead, hypertension, body malaise, ken multiple abrasions.
Pakabuklan met a 1,053 nga indibidual ti naipaayan ti welfare assistance, a saklawenna ti psychological support, tracing, ken referral.
